Mina das Sombras

Seguindo a pista situada por riba da Ermida do Xurés, o camiño discorre pola beira do río Vilameá ata chegar á Mina das Sombras (7 km ida). Malia o nome da ruta, no percorrido escasean as zonas de sombra, dominando a vexetación de mato. A espectacularidade do val resáltase cos farallóns graníticos de Baltar e O Fitoiro. A ruta é lineal e remata na explotación mineira das Sombras, dentro da Zona de Especial Protección dos Valores Naturais do Parque.